«Академия ғалымдары»

дерекқоры туралы

«Академия ғалымдары» порталы–Ы. Алтынсарин атындағы Ұлттық білім академиясының ғалымдары туралы тарихи жадыны сақтау және кейінгі ұрпаққа жеткізу жолындағы маңызды бастама. Бұл портал – қазақстандық білім беру жүйесінің дамуына елеулі үлес қосқан көрнекті ғалымдардың мұрасын жинақтауға, сақтауға және насихаттауға арналған. 2026 жылы Ы. Алтынсарин атындағы Ұлттық білім академиясының құрылғанына 105 жыл толады. Портал Академияның ғасырлық тарихында еңбек еткен ғалымдар жөніндегі мәліметтерді жүйелеп, пайдаланушыларға білім беру саласындағы көрнекті тұлғалар туралы толық әрі шынайы ақпарат ұсынуға мүмкіндік береді. Ғалымдардың жеке парақшаларында олардың ғылыми дәрежелері мен атақтары, мемлекеттік марапаттары, негізгі ғылыми жетістіктері және зерттеу бағыттары көрсетілген. Дерекқор үзіліссіз толықтырылып отырады:, жаңа есімдер, қосымша мәліметтер мен фотосуреттер енгізіліп,ақпараттық қордың мазмұны үздіксіз жаңартылып отырады. Бұл өз кезегінде Академия ғалымдарының мүрасын кеңінен танытуға және келешек ұрпақпен байланыстыруға септігін тигізеді.

Жобаның мақсаты – Академия ғалымдарының Қазақстанның білім беру жүйесінің дамуына қосқан үлесін жан-жақты зерделеуге мүмкіндік беретін, тарихты зерттеулер мен білім алмасуға арналған бірыңғай ақпараттық платформаны қалыптастыру.